პირი, რომელმაც "ოცნების" დეპუტატს ოხანაშვილსა და მისი ოჯახის წევრებს შეურაცხყოფა მიაყენა 33 წლის ვახტანგ რობაქიძეა. ამის შესახებ ინფორმაციას „ნიუპოსტი“ ავრცელებს. „ნიუპოსტის“ ინფორმაციით, იგი 2012-2017 წლამდე მდე "ქართული ოცნების" ახალგაზრდული ფრთის ხელმძღვანელი იყო. 

რობაქიძე 2019 წლის ზესტაფონის მერის შუალედურ არჩევნებში დამოუკიდებელ კანდიდატად იყრიდა კენჭს, სადაც 5.2% აიღო. იყო თუ არა იგი "ლელოს" წევრი ჯერჯერობით უცნობია. თუმცა, არსებული ინფორმაციით, რობაქიძე "ლელოს" მხარდამჭერია.

შეგახსენებთ, ბაკურიანში "ქართული ოცნების" დეპუტატ ანრი ოხანაშვილს ფიზიკური შეურაცხყოფა მიაყენეს.პარლამენტის წევრი, ბაკურიანის ერთ-ერთ რესტორანში, ოჯახთან ერთად ვახშმობდა, სადაც როაქიძემ მას ჯერ სიტყვიერი, შემდეგ კი ფიზიკური შეურაცხყოფა მიაყენა.საქმე 151-ე მუხლით აღიძრა, რაც მუქარას გულისხმობს. რობაქიძე ადმინისტრაციული წესით, 173-ე მუხლით, პოლიციის დაუმორჩილებლობისთვის დააკავეს.