საქართველოს პრეზიდენტის ადმინისტრაციაში, პრეზიდენტის საშობაო შეწყალებასთან დაკავშირებით დღეს, 12:00 საათზე ბრიფინგი გაიმართება.

ამის შესახებ საქართველოს პირველ არხს პრეზიდენტის პრესსამსახურიდან აცნობეს.

18 სექტემბერს გამოცხადებული მორატორიუმის შემდეგ, პრეზიდენტი შეწყალების აქტს პირველად გამოსცემს.

ამ დროისთვის უცნობია, იქნება თუ არა შეწყალებულთა სიაში დეკანოზი გიორგი მამალაძე.

პრეზიდენტის ადმინისტრაციამ შეწყალებასთან დაკავშირებული შუამდგომლობა საქართველოს საპატრიარქოდან 2019 წლის 8 ნოემბერს მიიღო.

მსჯავრდებულთა შეწყალება ახალი წესის მიხედვით მოხდება, რომელიც 2019 წლის 27 ნოემბერს შევიდა ძალაში.