ადვოკატი ირაკლი ჩომახაშვილი, სოციალურ ქსელში, წერს:

"ძალიან მოხშირდა ჟურნალისტებზე სიტყვიერი ზეწოლის შემთხვევები (ზოგან ფიზიკურისაც კი).

ხელისუფლების წარმომადგენლები და მათი მხარდამჭერები აღარ მალავენ აგრესიას რიგი ტელევიზიების ჟურნალისტების მიმართ. ირონიულ/ცინიკურ პასუხებს სცემენ მათ კითხვებს, ადანაშაულებენ მიკერძოებულობაში, ხოლო ხშირ შემთხვევებში რესპოდენტსა და ჟურნალისტს შორის საუბარი პიროვნული დაპირისპირების ელფერსაც იღებს.

მეგობრებო, როგორც არ უნდა გვიყვარდეს ესა თუ ის კონკრეტული ჟურნალისტი - კონკრეტული ტელევიზიის მიკროფონით ხელში, მთავრობის წარმომადგენლები და საჯარო მოხელეები ვალდებულნი არიან, თუნდაც ოპოზიციურ მედიასთან ურთიერთობით საზოგადოებას პასუხი გასცენ გაჩენილ კითხვებზე. ეს მათი კეთილი ნება კი არა, მათი პირდაპირი ვალდებულებაა!