მკვლელობაში ბრალდებულ დაკავებულ შსს-ს თანამშრომელს, ზურაბ ფოხაძეს თანამდებობა ჩამოერთვა. გამოძიება დაკავებული პირის თანამდებობიდან გადაყენებას ითხოვდა. 

ის განსაკუთრებულ დავალებათა დეპარტამენტის თბილისის სამმართველოს მეორე განყოფილების უფროსის თანამდებობას იკავებდა.

ადვოკატიც და ბრალდებულიც პროკურორის შუამდგომლობას დაეთანხმნენ, რის შემდეგაც მოსამართლემ ბრალდების მხარის შუამდგომლობა დააკმაყოფილა.

ცნობისთვის, თბილისის საქალაქო სასამართლომ  ბრალდებულ ზურა ფოფხაძეს პატიმრობა შეეფარდა.

ზურაბ ფოფხაძეს ბრალი ედება საქართველოს სისხლის სამართლის კოდექსის 117 -ე მუხლის მეორე ნაწილით და 126 -ე მუხლის პირველი ნაწილით, რაც გულისხმობს ცემას, ან სხვაგვარ ძალადობას, რამაც დაზარალებულის ფიზიკური ტკივილი გამოიწვია. ასევე ჯანმრთელობის განზრახ მძიმე დაზიანებას,  რამაც სიცოცხლის მოსპობა გამოიწვია.