ამერიკული ავიაკომპანიები ირანის, ერაყის, აგრეთვე სპარსეთის ყურისა და ომანის საჰაერო სივრცეში აღარ იფრენენ. ცნობას ამის შესახებ Twitter-ში აშშ-ის სამოქალაქო ავიაციის ფედერალური ადმინისტრაცია აქვეყნებს.

გადაწყვეტილების მოტივად ახლო აღმოსავლეთში შექმნილი ვითარება სახელდება. განცხადება კი ერაყში ამერიკულ სამხედრო ბაზაზე ირანმა სარაკეტო იერიში მიიტანა.

სარაკეტო დარტყმის სამიზნე, ერაყის ჩრდილოეთით, ქალაქ ერბილეს მახლობლად მდებარე ბაზა ,,აინ ალ-ასადი’’ გახდა.

როგორც ირანში განაცხადეს, ეს სარაკეტო დარტყმები აშშ-ის მიერ ირანელი გენერლის ყასემ სულეიმანის ლიკვიდაციისთვის შურისძიებას წარმოადგენს. ამასთან, „ისლამური რევოლუციის გუშაგთა კორპუსმა“ განცხადება გაავრცელა და აშშ- მოუწოდა, თავი შეიკავოს საპასუხო ნაბიჯებისგან.  

5 იანვარს ირანმა აშშ-ის მიერ გენერალის მოკვლის საკითხზე გაეროს უშიშროების საბჭოს მიმართა.

ირანელი გენერალი და შეიარაღებული დაჯგუფება „ქატაიბ ჰეზბოლას“ ლიდერი აბუ მაჰდი ალ-მუჰანდისი ამერიკელმა სამხედროებმა ბაღდადში 3 იანვარს მოკლეს.

ირანის მთავრობამ გენერლის მკვლელობას „ომის გამოცხადება“ უწოდა და აშშ-ს შურისძიებით დაემუქრა.